CSS چییە؟پێش چوونە ناو بابەتەكە واباشترە لە سەرەتاوە بزانین css چیە ؟ بۆ چی بەكاردێت ؟ هەروەها زۆر بە خێرای كورتەیەك لە میژووەكەشی باس بكەین …
CSS زمانێكی جوانكاریە بەكاردێت بۆ جوانكاری لە شێوازی دەركەوتنی پەڕەی ئینتەرنێتی، لە ڕووی شێوازی دەركەوتنەوە ( ڕەنگ و ڕیكخستن ) . ئەم زمانە لە گەڵ HTML elements ( بڕگەكانی زمانی ئێچ تی ئێم ئێڵ ! ) كاردەكات ، واتە نەهێشتنی پەڕەكانی ئینتەرنێت بە سادەیی. پێدانی رووخسارێكی جوانتر و بەهێزتر .
وەشانی ( ڤێرژن ) ی یەكەمی ئەم زمانە لە کانونی یەکەمی (دیسەمبەری) 1996 لە لایەن w3c یەوە بەناوی css1 داهێنرا . لە تایبەتمەندیەكانی ئەم وەشانە:
margin –
border –
padding –
Spacing between lines and rows of tables –
وەشانی دووەمی لە ساڵی 1998 بە ناوی css2 وە خرایە بەر دەستی بەكارهێنەرانی ئەم زمانە. ئەم وەشانەی چەند نوێكردنەوەی لە خۆ گرتبوو بە بەراورد بە وەشانی یەكەم، لەوانە :
fixed –
absolute –
relative –
bidirectional texts –
shadows –
دوا وەشانی ئەم زمانە css3ـە، كە ئێمە باسەكەمان تەرخان كردوە بەم وەشانە، گرینگترین گۆڕانكاری و نوێ كردنەوەی ئەم وەشانە:
background box effects –
color and opacity –
gradients –
transform and animation –
3d transformation –
background box effects –
وە چەندین تایبەتمەندی گرنگ و شیاو و سەردەمیانەی جوانتر كە بە درێژایی لێكۆڵینەوەكەمان لێی دەدوێین .. دەكرێت بوترێت ئەم وەشانە نوێیە ڕاپەڕینی ئەم زمانەیە بۆ جێگرتنەوەی ئەو بەرنامە ڕووکاریانەی كە بۆ جوانكاری پەڕەی وێب بەكاردێن، وەك دەزانین بە بەراورد لە گەل ئەم زمانە قەبارەیان زور زور قورسە، كە ئەمەش بە خاڵی لاوازی هەر سایتێك دادەنرێت !
بۆچی CSS3؟
ئەم زمانە ( بە وەشانە پێشوەكانیشەوە ) هۆی بەكارهێنانی لە لایەن بەكارهێنەرەكانەوە، ئەوەیە كە زۆر قەبارەی بچوك و كەمە. بەڵام لە وەشانەكانی پێشودا زۆر شت هەبوو كە بەم زمانە نە ئەكران، بۆیە دیزاینەرانی وێبسایت ناچار دەبوون پەنا ببەنە بەر هەندێك بەرنامەی ئینتەرفەیس (ڕووکار) كە زۆر قەبارەی كارەكانیان قورس دەكرد، ئەمەش بۆ هەر وێب سایتێك كێشەی دروست دەكرد لە كاتی كردنەوەی سایتەكە كاتێكی زۆری پێویست دەبوو ( ئێستاش نیوەی سایتەكان هەر بەو شێوە ماون ! ) ..
بەڵام لە كۆتا وەشانی زمانەكە ( css3 ) ،هەوڵی چارەسەركردنی زۆر لە كێشەكان دراوە، تا ڕادەیەكی زۆر دیزاینەر دەتوانێت ویستەكانی خۆی پێ ئەنجام بدات، بێ پەنا بردنە بەر زمان و بەرنامەی قورس لە قەبارەدا .. وەك flash ،Photoshop ، …
هەروەها بەكارهێنان و فێربوونی ئەم زمانە زۆر سانایە ، بە تایبەت بۆ ئەو كەسانەی كە لە وەشانەکانی پیشودا كاریان كردوە ،تەنها بە زیاد كردن و فێربوونی هەندێك كۆدی دیكە دەتوانن كاری خۆیانی پێ ئەنجام بدەن ! بۆ ئەو كەسانەشی تازە كارن هەر دەكرێت بوترێت زور سادە و ئاسانە . دوای پیا هەڵدان و وەسف كردنی، با هەندێك لە لاوازیەكانیشی بدویێن !
كێشەو خاڵی لاوازی css3 ئەوەیە كە لە گەڵ براوزەرە (وێبگەرە) كۆنەكانی ئینتەرنێت هەڵناكات و ئەو گۆڕان و نوێ كراوانەی لەم زمانە كراون پاڵپشت ناكەن . هەر لە سەرەتای دەركەوتنیەوە , كە بە قۆناغ قۆناغ تەواو پێگەیشتووە ( بڵێین نەبوە وابزانم هەر تەواوە ! ) لە نوێ كردنەوەی وێبگەڕەکانیشدا هەوڵدراوە لە گەڵ دواین گۆڕان و نوێ كراوەی ئەم زمانە خۆیان بگونجێنن . جێگای ئاماژە بۆ كردنە كە خوێندنەوەو وەڵام دانەوەی كۆدەكان لە وێبگەڕێکەوە بۆ یەكێكی دیكە جیاوازە !
بەڵام لە گەڵ ئەمەشدا هەوڵدەدرێت ئەم كێشەیە چارەسەر بكرێت و نەمێنێت . بە دڵنیاییەوە بە تێپەڕ بوونی كات ئەم كێشەیەش چارەسەر دەكرێت و زمانەكەش دەبێتە جێگرەوەی ئەو بەرنامە ڕووکاریانەی كە بۆ جوانكاری پەڕەی وێب بەكاردێن لە ئەمڕۆدا .
پێش چوونە ناو بابەتەكەمان باشترە چاوێك بەم خشتەیەی خوارەوە بخشێنیین :
ئەم خشتە نوێكراوەتەوە لە 3/ 6 / 2010
لەو خشتەی سەرەوە زۆر بە جوانی ڕوون كراوەتەوە كە كام وێبگەڕە زۆرترین و باشترین پاڵپشتی تایبەتمەندیەكان و نوێ گەریەكانی css3 ـە، وەك دیارەFirefox بە وەشانی 4 و 5 یشەوە پاڵپشتیەكی زور باشی css3 یە .
Google chrome یش وەشانی 3 زۆر كەم پاڵپشتی دەكات، بەڵام وەشانی 6.3 زۆر باشترە. هەرچی opera یە زۆر باش پشتگیری ناكات . بەڵام Safari وەشانی 4 زۆر بە باشی پشتگیری زۆر لە تایبەتمەندیەكانی css3 دەكات. بڕوانە IE , بە خراپترین وێبگەڕ دادەنرێت لە ڕووی پاڵپشتی بۆ css3 . بە دوا وەشانیشییەوە هەر ناتەواوە تاوەكو ئێستا ! بەڵام وەك دەزانین چەند بە خێرایی ئەو وێبگەڕانە نوێ دەكرێنەوە، بێ گومان ئەو كێشەیە زۆر بە زووی چارەسەر دەكرێت.
سەرچاوە؛؛کەی ئای تی ئێن
ليست هناك تعليقات:
إرسال تعليق